Þessi er tekin á Bíldudal,
það detta alltaf inn fleiri myndir frá hinum og þessum.


Laufey Ósk systir mín og
Ylfa, dóttir Jóhönnu vinnukonu


Við Lilja Rún í sólinni í Danmörku í vor

Bara nokkur orð um Bíldudal... ég keyrði þangað alein á eldgamla bílnum mínum fyrir síðustu krónurnar mínar til að hitta heimsins bestu Maríu. Það eru ekki allir sem fá að kynnast því að eiga svona góða vini eins og ég... og ég á TVÆR heimsins bestu vinkonur.


svona var ég þreytt og tussuleg þegar ég vaknaði eftir 4 tíma svefn...


sturtan reddaði hárinu en ég varð ekkert tanaðri... gæti þurft að fara að vaka á daginn og hitta sólina svo það gerist


við guðrún jakobína í stuði á bryggjunni... að syngja... hahaha

það eru miklu fleiri myndir inná facebook, geri ráð fyrir að flestir sem kíkja enn hérna inn séu líka þar.

en þetta var yndisleg helgi, stútfull af yndislegu fólki.
ég fékk að kynnast fjölskyldunni hennar Maríu minnar og heyra endalaust af sögum um allt milli himins og jarðar sem hún hefur brasað á Bíldudal gegnum tíðina. ég hlakka til að koma aftur þangað... enn meira hlakka ég til að koma aftur á Vestfirði.

ég fékk að heyra að ég væri sæt í lopapeysunni með flétturnar... sem vakti drauma um mann sem býr í sveit, á sauðfé á beit og sællegar kýr úti á túni... það væri ljúft.

fyrir þá sem ekki vita kom ég nefnilega ein heim og ekki með neitt eða neinn í eftirdragi. það var mitt val og þungt á sínum tíma en ég gæti ekki verið sáttari. eftir mikla vantrú á sjálfri mér ætla ég því að byrja að blogga aftur... og hafa það jafnvel hreinskilnara en áður. ég geri þetta alveg jafn mikið fyrir mig og ykkur svo hví ekki að halda því áfram, meðan mér finnst það gaman. mér var nefnilega (réttilega) bent á það um helgina að internetið væri hinn fullkomni vettvangur til þess að koma skoðunum sínum á framfæri.... hvort sem þær eru um pólitík og heimsmálin eða hvað ég borðaði í morgunmat. svo lestu, njóttu, rökræddu (og enn fremur rökstyddu) en ekki gleyma að kíkja í kaffi... því ég vil ekki bara vera til í netheimum. díll?